終於有少少時間打番篇 blog...

呢兩個月真係番工番到人都癲喇

頂佢個制...
d deadline 唔好再趕 d...
成 team 得 4 個人,
竟然要o係個半月內用一個從未掂過o既 new technology 出一件 work o既 product 俾個客... 都 short short 地!
心諗 就算我勉強出到, QA 都試唔切啦...
咁鬼多 bug, 落去到個客手上面咪又係死硬...

日日 OT... 仲要同 d 美國佬做 integration,
日頭番完 Hong Kong time zone, 到左夜晚仲要繼續同佢 US time zone 開工...
工作量 double up! 但係糧就照樣出一份 :o)

要我撐絕對唔係問題, 反正以前 undergrad 都成日咁架啦,
但係最唔抵係 d partner 做野唔合作...
呢頭好好心咁幫佢改佢寫 d code, 佢果頭粒聲唔出就同我 overwrite 番我做 d 野,
之後問番佢呢, 我頂... 原來條友連點樣做 code merge 都未識... 大佬我入職遲過佢我都識啦... :o)
怕佢唔知我個 API 點用, send 埋 email 俾埋 sample code 佢, 佢到頭來一樣可以用到成 pat 屎咁, 最後我 trace 到個問題, 佢先同我講佢冇仔細睇封 email... :o)
更過份o既係, o係最最最 critical 果幾日, 佢竟然可以大大聲同你講:
"唉... 遲大到喇... 約左人..."
"呀... 聽晚買左飛去 concert... 要早少少走 lu..."
呢 d 咪係好同事黎囉
我心諗 我夠想走啦 PK, 唔駛做呀??
我都好明白, 打工仔只係為餐晏打份工, 唔係要賣埋條命俾佢;
但係最基本o既責任心都冇, 咁就唔係打工o既問題, 係做人o既問題...

唉, 今次要到 9 月中先忙完, 但係即刻又要接住做下一個 release
又要再忙到十一月
分分鐘又要好似上年咁, 生日都要 OT 到十點幾
上面班大粒佬都唔知係咪坐住左個腦, :o)
以為請多幾個人, 就可以將 d deadline 定得短好多...
新人都要時間 training 架嘛...

趁天氣好, 去左鯉魚門睇日落...
非常炎熱... 但係好值得!
本來企o係沙灘上面睇, 已經覺得好靚;
但係攀過小石丘, 爬上鐵梯, 登上燈塔最高點之後再望,
先發現眼前光景原來可以更上一層樓...


按此看大圖 (2500 x 588)
今次再試製全景照...
14 張打直影o既相 --> combine 成為一張!
原來一張整得好o既全景照真係可以化腐朽為神奇...
原本用頹 DC 仔影出黎一張張... 合併之後, 解析度與圖片細緻可以大大提升!
淨係靠 photoshop, 原來係整唔到好o既全景照...
真正o既王道係 PTGui + Photoshop!
運用 PTGui 超強o既 alignment 同扭曲修正...
再搭 photoshop 屈機o既 blending...
再加埋影o既時候盡量打直, 減輕扭曲...

其他照片:
 

 

 

真係一個好靚o既地方...